ఏదో సాధించాలని మనస్సు తపిస్తోంది
భావోద్వేగంతో గుండె బరువెక్కింది
సాధించాల్సింది చాలా ఉంది, సాధన లేమీ చాలా ఉంది
కానీ వయస్సుకి వక్రమార్గమంటే ఇష్టం, మనస్సుకి మరోలోకమంటే ఇష్టం
ఈ అవలక్షణాలు ప్రగతి నిరోధాలు
అంకురించాలి మనలో మేధాసంపత్తులు
అసాధ్యమైనా సుసాధ్యమైనా
అంతా మనచేతిలోనే ఉంది
భవిత కొరకు నడుచుకుంటే బ్రతుకుతెరువు లేకపోదు
బానిసబ్రతుకుకంటే భారమైన పనిలేదు
ఎందుకు ఈ జీవితం అనుకుంటే భవిత మృగ్యం
ఆశావాదమే మనిషికి అవసరం, అనుభవపురాణమే ఈ జీవితం
వృధా చేయకు ఏ క్షణమూ, చేయకు నిరీక్షణము
అలసత్వాన్ని విరమించు, అజ్ఞానాన్ని తొలగించు
ఆలొచించు గ్రహించు ఆచరించు
ఓ భావిపౌరుడా అనుసరించు!!!
No comments:
Post a Comment